टेलर स्विफ्टको एल्बम रिलीज भएको दिन खेल नहार्ने ब्राजिलियन फुटबल क्लबको अनौंठो अन्धविश्वास

हाल ब्राजिलमा टेलर स्विफ्ट ट्रेंडिंगमा छिन् र सो कुरा को कारण निकै अनौंठो र फुटबल सम्बन्धित रहेको छ। ब्राजिलियन क्लब कोरिन्थीयन्सको साओ पाउलो बिरुद्धको १-०को जित पछि प्रसिद्ध अमेरिकी गायिका टेलर स्विफ्ट ट्रेंडिंगमा आएकी छिन् र कोरिन्थीयन्सका फ्यानहरुको विश्वास छ कि टेलर स्विफ्टले एल्बम रिलीज गरेको हप्ता कोरिन्थीयन्सले खेल हारेको छैन।

फ्यानहरुको विश्वास रहेको छ कि २००६ देखि अहिले सम्म टेलर स्विफ्टको एल्बम रिलीज भएको हप्ता कोरिन्थीयन्सले खेल हारेको छैन र हालै टेलर स्विफ्टले आफ्नो नयाँ एल्बम रिलीज गरेकी थिइन र कोरिन्थीयन्सले साओ पाउलो बिरुद्ध जित हासिल गरे पछि फ्यानहरुको सो विश्वास अझै जारी रहेको छ।

ब्राजिलियन क्लब कोरिन्थीयन्सले आफै पनि सो कुरामा विश्वास गर्ने देखिन्छ र ट्वीटरमा कोरिन्थीयन्सले टेलर स्विफ्टको गीत पोस्ट गरेको थियो।