एजेन्सी । इंग्लिस क्लब साउथह्याम्टनले मुख्य प्रशिक्षकका रुपमा नथान जोन्सलाई नियुक्त गरेको छ । क्लबले जोन्सलाई साढे तीन वर्षको लागि नियुक्त गरिएको जनाएको छ ।
क्रिस कोहेन र एलेन शेहानले जोन्सलाई प्रशिक्षणमा सघाउनेछ ।
साउथह्याम्टनले यसै साता प्रशिक्षक राल्फ हासेन्हुथलाई बर्खास्त गरेका थिए ।
बुधबार राती काराबओ कपमा जोन्स प्यारापिटबाट क्लबको खेल हेरेका थिए । साउथह्याप्टनले शेफिल्ड वेड्नेसडेलाई टाईब्रेकरमा हराउदै अर्को चरणमा प्रवेश गरेको छ ।
लुटन टाउनसंग सम्झौता भएका कारण साउथह्याप्टनले लुटनलाई तीन मिलियन पाउण्ड क्षतिपूर्ति तिर्नु पर्ने हुन्छ ।
यो सिजन २० खेल पछि लुटन तालिकामा नौं स्थानमा रहेको छ ।
