“जोएचिम लो बार्सिलोनाको लागि राम्रो कोच हुने छन्”

जर्मनीको राष्ट्रिय टोलीका कोच जोएचिम लो बार्सिलोनाको लागि राम्रो कोच हुन सक्ने क्लब लेजेण्ड जावी हर्नान्डेजको दाबी छ। जर्मनीका प्रशिक्षक जोएचिम लो युरो कप पछि आफ्नो भूमिकाबाट हट्ने बताएका थिए।

पुर्व बार्सा मिडफिल्डरको विश्वास छ कि क्याम्प नाउमा उनको शैली फिट हुनेछ।

“उनी लक्जरी कोच हुन्,” जावीले भने। “उनी चहकिलो र हमला गर्ने फुटबल चाहन्छन्, र उनी विश्व च्याम्पियन हुन्। लोले जर्मनीलाई फुटबलको विभिन्न समझ विकास गर्न मद्दत गरेका छन् जसले मलाई स्पेन र बार्सिलोनाको सम्झना गराउँछ।”

लो बार्सिलोनामा किन उपयुक्त हुने बारे अझै प्रश्न गर्दा ,जावी हर्नान्डेजले भने: “उनको खेल बुझ्ने तरिका र उनको व्यक्तित्वका कारण।”

लोले सन २००६ देखि टोलीको जिम्मेवारी समालेका थिए। उनको प्रशिक्षणमा जर्मनीले २०१४ मा विश्व कप र २०१७ कन्फिडेरेसन कप जित्न सफल भएको थियो।