‘जेडन सान्चो म्यानचेस्टर युनाइटेड भन्दा लिभरपूल जाने सम्भावना बढी’

जेडन सान्चो कथित रूपमा म्यान्चेस्टर युनाइटेड भन्दा लिभरपूलमा जान सक्ने खबर छ, किनभने युनाइटेडमा भन्दा लिभरपूलमा उनको प्रिमियर लिग उपाधि जित्ने राम्रो मौका रहेको सान्चोको विश्वास रहेको खुलेको छ ।

बोरुसिया डार्टमन्डका स्टार ओल्ड ट्र्याफर्डमा जाने धेरै हल्ला छ तर युनाइटेडको प्रस्ताव डार्टमन्डले अस्वीकार गरेको थियो।

जर्मनीका रिपोर्टहरूका अनुसार २० बर्षेका स्टार क्लोपका टिममा जान चाहन्छन् किनभने अर्को सिजनमा सिल्वरवेयर जित्ने सम्भावना युनाइटेडको भन्दा लिभरपूलको बढी रहेको सान्चोको विश्वास छ ।

उनको मूल्य £११८ मिलियन हुने कुरा छ, युनाइटेडले £८९ मिलियनको प्रस्ताव राखे पनि उक्त प्रस्ताव डार्टमन्डले अस्वीकार गरेको थियो लिभरपूलले भने अहिले सम्म केहि प्रस्ताव राखेको कुरा आएको छैन ।