इङलिस प्रेमिएर लिग अन्तर्गत आइतबार राती भएको खेलमा म्यान्चेस्टर युनाइटेडले लिड्स युनाइटेडलाई हराएको छ ।
लिड्सको घरेलु मैदानमा भएको खेलमा म्यान्चेस्टर युनाइटेडले २-० को सहज जित हासिल गरेको हो ।
म्यान्चेस्टर युनाइटेडका लागि मार्कोस राश्फोर्ड र गार्नाचोले एक एक गोल गरेका थिए ।
पहिलो हाफ गोल रहित रहेको थियो भने दोस्रो हाफको ८० औं मिनेटमा राश्फोर्डले हेडर मार्फत गोल गर्दै १-० बनाए ।
८५ औं मिनेटमा गार्नाचोले गोल गर्दै म्यान्चेस्टर युनाइटेडलाई २-० को जित दिलाएका हुन् ।
यस जितसंगै म्यान्चेस्टर युनाइटेड हालका लागि दोस्रो स्थानमा उक्लिएको छ भने लिड्स युनाइटेड १७ औं स्थानमा रहेको छ ।
