जाभीलाई भित्राउन लिभरपुल इच्छुक

प्रिमियर लिग क्लब लिभरपुल डच क्लब पिएसभीका युवा स्टार जाभी सिमोन्सलाई साइन गर्न इच्छुक रहेको जानकारी छ।

१९ वर्षीय सेन्टर फोवार्डको खेल डच क्लबमा निकै राम्रो रहेको छ भने युरोपा लिगमा आर्सनल विरुद्ध २-०को जितमा उनको प्रदर्शन धेरै उत्कृष्ट रहेको थियो र हाल खबर अनुसार उनलाई भित्राउन लिभरपुल धेरै इच्छुक रहेको छ र उनी माथि रेड्सले आफ्नो निगरानी राख्दै गरेको पनि रिपोर्ट छ।

डच युवा स्टार जाभी सिमोन्स बार्सिलोनाको प्रसिद्ध यूथ एकेडेमी ला मासियको उत्पादन हुन् भने उनी ७ वर्ष हुँदा देखि उनको प्रतिभाको धेरै चर्चा हुँदै आएको छ।

२०१९मा उनले बार्सा छोडेका थिए भने उनी सो समय फ्रेन्च क्लब पिएसजीमा गाएका थिए र पिएसजीको सिनियर टिममा उनले धेरै समय नपाए पछि उनले २०२२ पिएसजी छोड्ने निर्णय लिए भने उनको नया गन्तब्य डच क्लब पिएसभी बनेको थियो जहाँ उनको खेल निकै राम्रो रहेको छ भने उनी टिमको महत्त्वपूर्ण खेलाडी बन्ने क्रममा छन् ।

हाल खबर अनुसार पिएसभीमा जाभीको खेलबाट लिभरपुल धेरै प्रभावित रहेको छ र उनलाई साइन गर्न लिभरपुल इच्छुक रहेको छ। लिभरपुलका कोच क्लोप पनि युवा स्टार जाभी सिमोन्सको फ्यान रहेको र उनलाई आफ्नो टिममा भित्राउने उनको योजना रहेको रिपोर्ट छ।

लिभरपुल सहित आर्सनल र एसी मिलान पनि उनलाई साइन गर्न इच्छुक हुन सक्ने चर्चा रहेको छ। १९ वर्षीय युवा स्टारले हाल सम्म डच क्लबको लागि १९ खेल खेल्दै १० गोल र ४ असिस्ट गरेका छन्।