जब रियल म्याड्रिडले मेस्सीलाई साइन गर्न प्रयास गरे

२०१३मा रियल म्याड्रिड मेस्सीलाई साइन गर्ने इच्छुक रहेको कुरा खुलेको छ। खबर अनुसार रियल उनलाई €२५० मिलियनमा साइन गर्न चाहन्थे – तर मेस्सीले रियाललाई उक्त प्रस्तावको जवाफ “रियललाई आफ्नो समय बर्बाद नगर्नु” भनेको खबर छ।

२००४मा आफ्नो पहिलो खेल देखि मेस्सी बार्साको एक महत्त्वपूर्ण भाग बनेका छन्। उनलाई साइन गर्नु धेरै क्लबको रुचि रहेको छ भने २०१३मा रियलले उनलाई साइन गर्ने प्रयास गरेको कुरा खुलेको छ।

खबर अनुसार रियल मेस्सीलाई प्रति हप्ता €४५०,०००को तलब दिन तयार थिए। तर, मेस्सीको रियलमा सामिल हुने कुनै मनसाय थिएन र उनले रियललाई भने: “म मेरो समय बर्बाद गर्दिन र तपाईहरु पनि आफ्नो समय खेर नफ्याँक्नु।”

त्यो समयमा रियलले मेस्सीका बुबासंग पनि कुरा गरेको खबर छ र ८ वर्षको सम्झौता गर्न रियल इच्छुक थिए र उनको बुबालाई पनि रियल €१६ मिलियन दिन तयार थिए।