नेपाली फुटबलर जगजीत श्रेष्ठले अस्ट्रेलियाको क्लब साउथ एडिलेड प्यान्थरसँग सम्झौता गरेका छन् ।
२८ वर्षिय जगजीतले २०२१ को सिजनका लागि सम्झौता गरेका हुन् ।
नेपाली राष्ट्रिय टिमबाट खेलिसकेका उनी ए डिभिजन लिग क्लब हिमालयन शेर्पा, फ्रेन्ड्स र थ्रीस्टारबा पनि खेलिसकेका छन् ।
उनी सन् २०१५ देखि अस्ट्रेलियामा मा बसाेबास गरिरहेका छन्। अस्ट्रेलियाका दाेस्राे डिभिजनका क्लवमा खेलिरहेका छन्।
जगजित पहिलो पटक भने त्यहाँको ह्युम युनाईटेडसँग आवद्ध भएका थिए ।
साउथ एडिलेडले जगजीतसँग सम्झौता गरेको पुष्टि गर्दै उनको आगमनले क्लब उत्साहित भएको उल्लेख गरेको छ ।
अघिल्लाे वर्ष नेपालकाे ए डिभिजन क्लव मनाङबाट खेलेका उनी मच्छिन्द्रसँगकाे खेलमा झगडा भएपछि ५ खेलकाे प्रतिबन्धमा पनि परेका थिए । त्यसपछि उनी अस्ट्रेलिया नै फर्किएका थिए ।
