इंग्लिस प्रिमियर लिग च्याम्पियन टोली म्यानचेस्टर सिटी सिजनको अन्तिम लिग खेलमा पराजित भएको छ ।
आइतबार राति भएको खेलमा सिटीलाई ब्रेन्टफोर्डले १-० गोल अन्तरले हराएको हो ।
ब्रेन्टफोर्डको जितमा इथान पिन्नोकले निर्णायक गोल गरे ।
इथानले खेलको ८५ औं मिनेटमा गोल गरेका थिए ।
यस जितसँगै ब्रेन्टफोर्डले ३८ खेलमा ५९ अंक जोड्यो ।
ब्रेन्टफोर्ड लिगको नवौं स्थानमा रह्यो ।
च्याम्पियन बनिसकेको सिटीले ३८ खेलमा ८९ अंक जोड्यो ।
