शाख्तर डोनेट्स्कका युक्रेनी स्टार विंगर मिखाइलो मुड्रिकलाई साइन गर्ने प्रयासमा प्रिमियर लिग क्लब आर्सनल रहेको बेला लन्डन राइभल क्लब चेल्सी उक्त ट्रान्सफरलाई हाइ-ज्याक गर्ने योजनामा रहेको जानकारी छ।
Chelsea’s interest in hijacking Mudryk is serious. 🚨 #CFC vs #AFC pic.twitter.com/y3rjVqf5J6
— The Transfer Insider (@TransfersIntel) January 4, 2023
मुड्रिक सँग आर्सनलको व्यक्तिगत सम्झौता भए पनि शाख्तर र आर्सनल बिच ट्रान्सफर सुल्क मा सहमति हुन सकेको छैन भने सो अवस्थामा चेल्सीले उनलाई साइन गर्न सक्ने जानकारी छ।
आर्सनलले शाख्तर डोनेट्स्कलाई दोस्रो प्रस्ताव पठाएको छ जुन ७५ मिलियन युरो सम्मको रहेको छ। शाख्तरले भने उनको लागि १०० मिलियन युरो सम्मको माग गर्दै आएको छ जसको कारण हाल सम्म सो ट्रान्सफर सफल हुन सकेको छैन र चेल्सी शाख्तरले मागेको जति रकम दिदै आर्सनलको ट्रान्सफर ‘हाइ-ज्याक’ गर्ने इच्छुक रहेको जानकारी छ।
मुड्रिक र आर्सनल बिच व्यक्तिगत सर्तमा सहमति भैसकेको जानकारी छ। दुई बिच ५ वर्षको सम्झौतामा सहमति भएको अब शाख्तर डोनेट्स्क सँग आर्सनलको सम्झौता हुन सकेको छैन।
🚨 Mudryk – Chelsea, It’s understood negotiations are moving in the right direction. (@JacobSteinberg) #CFC
— Pys (@CFCPys) January 3, 2023
उनको खेलको कारण धेरै क्लबहरूको नजर उनी माथि परेको बेला शाख्तर डोनेट्स्क उनलाई बेच्न तयार रहेको छ तर उनको लागि युक्रेनी क्लबले १०० मिलियन युरो सम्म माग गर्दै आएको छ जसलाई घटाउन आर्सनल डोनेट्स्क सँग वार्तामा रहेको छ।
डोनेट्स्कका लागि मिखाइलो मुड्रिकले हाल सम्म ३९ खेल खेल्दै ९ गोल र १६ असिस्ट गरेका छन् भने उनको नाम आर्सनल सहित चेल्सी सँग पनि जोडिएको छ तर मुड्रिक आर्सनलको फ्यान रहेका छन्।
