आइतबार प्रिमियर लिगमा आर्सनलले आफ्नो लन्डन प्रतिद्वन्द्वी चेल्सीलाई पराजित गर्दै फेरी लिग शीर्ष स्थानमा पुगेको छ।
🤩 Big WIN in west London pic.twitter.com/WkyCXyGEMC
— Arsenal (@Arsenal) November 6, 2022
स्ट्यामफोर्ड ब्रिजमा भएको खेलमा चेल्सीविरुद्ध आर्सनलले सङ्घर्षपूर्ण जित निकालेको हो। आर्सनल खेलमा हाबी रहेको पनि गोल गर्न भने असफल रहेको थियो र चेल्सी माथि आर्सनलको लगातार दबाब रहेको थियो।
पहिलो हाफमा ०-०को स्कोरमा अन्त्य भएको खेलमा आर्सनलले कर्नर किक मार्फत अग्रता लिएको थियो। खेलको ६३ औँ मिनेटमा साकाको कर्नर किकमा डिफेन्डर गेब्रियलले गोल गर्दै आर्सनललाई अग्रता दिलाए जुन आर्सनलको जितको लागि पर्याप्त रह्यो भने खेलमा अरू गोल भने भएन।
जितको साथ आर्सनल फेरी लिगको शीर्ष स्थानमा पुगेको छ। १३ खेलमा ११ जित, १ हार र १ बराबरीको साथ आर्सनलले ३४ अंक जम्मा गरेको छ र दोस्रो स्थानमा रहेको सिटीको भने ३२ अंक रहेको छ।
१३ खेलमा ६ जितको साथ सातौँ स्थानमा रहेको चेल्सीले भने २१ अंक जम्मा गरेको छ र चेल्सी पछिल्लो ४ लिग खेलमा जित विहीन रहेको छ।
