चेल्सीमाथी जित निकाल्दै म्यानचेस्टर सिटी काराबाओ कपको चौंथो चरणमा प्रवेश गरेको छ ।
बुधबार राति भएको खेलमा चेल्सीलाई २-० गोल अन्तरले हराउँदै सिटीले चौंथो चरणमा स्थान बनाएको हो ।
सिटीलाई जित दिलाउन रियाद महरेज र जुलियन अल्भारेजले एक एक गोल गरे ।
खेलको ५३औं मिनेटमा महरेजले गोल गर्दै सिटीलाई सुरुआती अग्रता दिलाएका थिए ।
त्यसपछि खेलको ५८औं मिनेटमा अल्भारेजले गोल गर्दै सिटीलाई २-० को जित दिलाए ।
चेल्सी भने प्रतियोगिताबाट बाहिरिएको छ ।
