इंग्लिस प्रिमियर लिगमा म्यानचेस्टर युनाइटेडले चेल्सीमाथि जित दर्ता गरेको छ । सोमबार राति भएको खेलमा युनाइटेडले चेल्सीलाई २–० गोलले हराएको हो ।
चेल्सीको मैदान स्ट्याम्फोर्ड ब्रिजमा भएको खेलमा युनाइटेडलाई जिताउन एन्थोनी मार्सियल र ह्यारी मागुइरेले समान एक–एक गोल गरे ।
खेलको ४५औं मिनेटमा मार्सियलको गोलमा युनाइटेडले अग्रता बनाएको थियो ।
यस्तै खेलको ६६औं मिनेटमा मागुइरेले गोल गर्दै युनाइटेडलाई २–० गोलले जिताए ।
जितसँगै युनाइटेड सातौं स्थानमा उक्लिएको छ ।
युनाइटेडले ३८ अंक बनाउँदै सातौं स्थानमा उक्लिएको हो । यता, चौथो स्थानको चेल्सीसँग ४१ अंक छ ।
