विप्लव नेतृत्वको नेकपाले गरेको नेपाल बन्दको आशिंक प्रभाव परेको छ । आफ्ना कार्यकर्ता हत्या तथा पक्राउ गरेको विरोधमा आज विप्लव समुहले नेपाल बन्द आह्वान गरेको हो। बन्दकाे काठमाडौं उपत्यकामा सामान्य प्रभाव देखिए पनि उपत्यका बाहिरका जिल्लाहरुमा भने बन्दले जनजीवन प्रभावित बनाएको छ ।
प्रहरी प्रवक्ता विश्वराज पोखरेलका अनुसार विप्लव समूहले आह्वान गरेको बन्दका क्रममा देशका २८ भन्दा बढी स्थानमा शंकास्पद वस्तु राखिएको भेटिएको छ ।
बन्दको क्रममा ललितपुरको जावलाखेल, काठमाडौंको किर्तिपुरस्थित नयाँ बजारमा शंकास्पद बस्तु फेला परेको प्रहरीले जनाएको छ ।
किर्तिपुरको नयाँबजारको गेट छेउमा बिहान करिब ५ बजे तिर रातो झण्डाले बेरिएको बोतलजस्तो देखिने शंकास्पद वस्तु भेटिएको थियो । उक्त वस्तु नभएको सेनाको डिस्पोजल टोलीले प्रमाणित गरेको छ।
