इङलिस प्रेमिएर लिग अन्तर्गत आइतबार भएको खेलमा एस्टन भिल्लाले इभर्टनमाथी फराकिलो जित हात पारेको छ ।
भिल्लाको घरेलु मैदानमा भएको खेलमा इभर्टनमाथी ४-० को जित निकालेको हो ।
खेलको १८ औं मिनेटमा मेक्गिनले गोल गर्दै भिल्लालाई अग्रता दिलाएको थियो ।
२४ औं मिनेटमा लुइजले पेनाल्टी मार्फत गोल गर्दै २-० बनाए ।
बेइलीले ५२ औं मिनेटमा भिल्लालाई ३-० को अग्रता दिलाएको थियो ।
७५ औं मिनेटमा डुरानले गोल गर्दै एस्टन भिल्लालाई ४-० को फराकिलो जित दिलाए ।
दोस्रो हाफमा मैदान छिरेका फिलिपे कौटिन्होले चोट बोकेपछि मैदानमा २० मिनेट पनि टिक्न सकेन ।
यस जितसंग हाल भिल्ला १० औं स्थानमा रहेको छ भने इभर्टन अन्तिम स्थानमा रहेको छ ।
