‘एम्बाप्पेको तलब माग पुरा गर्न सक्ने कुनै क्लब छैन’

पिएसजीका किलियन एम्बाप्पे फुटबल एक स्टार बन्न सफल भएका छन् भने धेरै क्लब उनलाई भित्राउन इच्छुक छन्।

उनको प्रदर्शन निकै राम्रो रहेको छ भने उनी भविष्यको सबैभन्दा ठुलो स्टार मध्ये एक हुने धेरैको विश्वास छ। उनको नाम रियल म्याड्रिड, लिभरपुल र म्यानचेस्टर सिटी जस्तो क्लब सँग जोडिने क्रम जारी रहेको छ तर उनलाई क्लबमा राख्न सस्तो हुने छैन।

खबर अनुसार उनको तलब माग निकै धेरै हुने छ जुन तिर्न ठुलो क्लबहरूलाई पनि गाह्रो हुने छ र अहिलेको महामारीको अवस्थामा झन् क्लबहरूलाई आर्थिक समस्या रहेको छ।

पिएसजी उनलाई क्लब मै राख्न इच्छुक छन् र उनलाई प्रति वर्ष €३० मिलियनको तलब दिन तयार छन् जुन रियल र लिभरपुलले तिर्न नसक्ने खबर छ र उक्त दुई क्लब उनलाई साइन गर्ने मुख्य दाबेदार रहेको धेरैको विश्वास छ। पिएसजीको तलबको प्रस्ताव सँग प्रतिस्पर्धा गर्न सक्ने कुनै क्लब नरहेको खबर छ।

एम्बाप्पेले प्रति हप्ता £६००,००० सम्मको तलब माग गर्ने सक्ने कुरा छ जुन पिएसजीले तिर्न सके पनि अन्य कुनै क्लबले तिर्न नसक्ने चर्चा छ। उनी आफ्नो मन पर्ने क्लब जान आफ्नो तलबलाई कम गर्न इच्छुक हुन सक्ने पनि चर्चा छ तर पिएसजीले दिन सक्ने जस्तो तलब अन्य क्लबले पुरा गर्न सक्ने छैन जसको कारण उनी पिएसजी मै रहने धेरै सम्भावना रहेको छ ।