फुटबल सुपरस्टार किलियन एम्बाप्पेले पिएसजीमा आफ्नो सम्झौता नवीकरण नगर्ने निर्णय गरे पछि फ्रेन्च क्लब यही ट्रान्सफर विन्डो उनलाई बेच्न बाध्य हुन सक्ने बेला प्रसिद्ध खेल मिडिया ईएसपीएनले उनको मूल्य कति पर्ने भनेर रिपोर्ट गरेको छ।
🚨💣 JUST IN: PSG want €150M for Mbappé this summer. @LaurensJulien pic.twitter.com/k5GDjDgMEc
— Madrid Xtra (@MadridXtra) June 13, 2023
ईएसपीएनका अनुसार फ्रेन्च युवा स्टार एम्बाप्पेको लागि पिएसजीले €१५० मिलियन सम्म माग्न सक्ने छ। उनलाई साइन गर्न धेरै समय देखि ला लिगा क्लब रियल म्याड्रिड इच्छुक रहेको बेला यो अवस्थाको फाइदा लिँदै रियल म्याड्रिडले उनलाई साइन गर्न सक्ने पनि रिपोर्ट छ।
एम्बाप्पे २०२४ को अन्त्यसम्म रहेको क्लबसँगको सम्झौता नवीकरण नगर्ने निर्णय गरेसँगै पिएसजी यसै ट्रान्सफर विन्डोमा उनलाई बेच्न बाध्य हुन सक्ने भएको छ अन्यथा अर्को वर्ष उनलाई पिएसजीले फ्रीएजेन्टमा गुमाउने छ।
एम्बाप्पे र पिएसजी बिचको सम्झौतामा एक वर्ष विस्तार गर्न मिल्ने क्लज रहेको छ तर एम्बाप्पेले अचानक एक पत्र लेख्दै सो सम्झौतामा विस्तार नगर्ने जानकारी दिए पछि पिएसजी एम्बाप्पे सँग आक्रोशित भएको जानकारी छ।
🚨💣 PSG are now WILLING to listen to offers for Kylian Mbappé and they’re looking for a fee around €150M. @LaurensJulien, @ESPN #rmalive pic.twitter.com/BHiDvNSLTX
— Madrid Zone (@theMadridZone) June 13, 2023
हाल रिपोर्ट अनुसार क्लबमा अवस्था निकै तनावपूर्ण रहेको छ र एम्बाप्पेको निर्णयको टाइमिंगले पिएसजी आश्चर्यचकित भएको पनि रोमानोले जनाए।
एम्बाप्पेलाई अर्को वर्ष फ्रीमा गुमाउने कुराको विरुद्धमा पिएसजी रहेको जानकारी छ भने उनले क्लब छोडे उनको विकल्पको योजना पिएसजी सँग रहेको पनि जानकारी छ।
एम्बाप्पेका लागि रियल म्याड्रिडले केही वर्षदेखि नै विशेष चासो राख्दै आएको छ । २०२१ मा रियल म्याड्रिडसँग सम्झौता हुने अन्तिम तयारीका बिच एम्बाप्पेले पिएसजीमा सम्झौता नवीकरण गरेका थिए ।
एम्बाप्पेको यो कदमसँगै पिएसजीले एकै समयमा लियोनेल मेसी, नेइमार र एम्बाप्पेलाई गुमाउन सक्ने देखिएको छ । नेइमारलाई पनि साउदी क्लबले भित्र्याउने प्रयास गरिरहेका छन् ।
