एटलेटिकोलाई खबर नगरी आर्सनलले एटलेटिकोको खेलाडी साइन गरे पछि डिएगो सिमोन आक्रोशित

ट्रान्सफर विन्डो अन्त्य हुने केहि समय बाँकि हुँदा आर्सनलले एटलेटिकोका स्टार मिडफिल्डर थोमस पार्टी साइन गरेको छ र सो क्रममा आर्सनलले एटलेटिको संग सम्पर्क नगरी सिधै ला लिगालाई उनको रिलिज क्लज बुझाएको थियो र आफ्नो खेलाडीले क्लब छोड्ने भन्ने खबर एटलेटिकोले ला लिगाबाट प्राप्त गरे।

आर्सनलको सो चालले एटलेटिकोका कोच डिएगो सिमोन निकै आक्रोशित भएको कुरा छ र उनले यो सिजन पार्टी संग एटलेटिकोको मिडफिल्डको योजना बनाएका थिए र अन्तिम समयमा क्लबलाई खबर नै नगरी आर्सनलले पार्टीलाई साइन गरे पछि डिएगो सिमोन आक्रोशित भएका छन्।

थोमस पार्टी यो विन्डोमा आर्सनलको मुख्य लक्ष्य मध्ये एक थिए र आर्सनलले उनको लागि एटलेटिको संग वार्ता गर्न धेरै प्रयास गरे तर सिमोन उनको बिक्रिको लागि कुराकानी गर्न तयार थिएनन् र रिलिज क्लज तिरे मात्र उनलाई जान दिने कुरा रहेको थियो जुन आर्सेनल तिर्न अनिच्छुक देखा परे पनि विन्डो अन्त्य हुने अन्तिम समयमा क्लबलाई सम्पर्क नगरी आर्सेनलले ला लिगालाई उनको रिलिज क्लज तिरिदिए।

उनको लागि आर्सनलले €५० मिलियन क्लज तिरेको कुरा छ।