ईन्टर मिलानका मिडफिल्डर क्रिस्टियन एरिक्सनले अर्को महिना क्लब छोड्ने भए छन् ।
ईटालीमा जम्न संघर्षरत देखिएका एरिसक्नले सिरि ए क्लब छाड्ने भएका हुन् । उनी गत जनवरीमा प्रिमियर लिग क्लब टोटेनहमबाट ईन्टर आएका थिए ।
क्लबका कार्यकारी अधिकृत ग्युसेप मोराटाले एरिक्सनले अर्को महिना सिरि ए छाड्ने बताए ।
डेनमार्कका अन्तराष्ट्रिय खेलाडी एरिक्सन ईटालियन प्रशिक्षक एन्टोनियो कोन्टेको नेतृत्वमा खेल्न संघर्षरत छन् । उनले यस सिजन जम्मा चार खेलमा मात्र देखिएका छन् ।
Inter Milan CEO Giuseppe Marotta says Christian Eriksen is on the way out. pic.twitter.com/cbGQsuRelL
— ESPN FC (@ESPNFC) December 23, 2020
‘के एरिक्सन बजारमा उपलब्ध छन् ? हो उनी उपलब्ध छन् । खेल निर्देशक पियरो आसिलियोले भनेका छन् । म यसलाई दोहर्याउन सक्छु ।’ मोराटाले भनेका छन् ।
बुधबार मात्र सिरि एमा ईन्टर मिलानले भरोनामाथि २–१ को जित आत्मसाथ गरेको थियो ।
‘तर यो सजाय हैन । केही सामान्य विषय छन्, जसले उनलाई यहाँ कठिन भईरहेको छ । उनले टिममा काम गर्न सकिरहेका छैनन् । योनै सत्य हो, ब्यवसायीक रुपमा कोही टाढा जान सक्दैन ।’ उनले भने ।
‘उनलाई अन्य कतै खेल्ने समयको खोजी गर्न दिन आवश्यक छ । हामीलाई समेत यसको समाधान खोज्न आवश्यक छ ।’ उनले थपे ।
टोटेनहममा साढे ६ वर्ष बिताएपछि एरिक्सन एक वर्षअघि ईन्टर मिलान आएका थिए । उनले सान सिरो क्लबसंग सन् २०२४ सम्मका लागि सम्झौता गरेका छन् ।
एरिक्सनलाई प्रिमियर लिग क्लब आर्सनलले अनुबन्धनमा ईच्छा देखाईरहेको छ ।
