इंग्ल्यान्ड विश्वकपको नकआउट चरणमा प्रवेश गरेको छ ।
मंगलबार राति भएको खेलमा वेल्सलाई ३-० गोल अन्तरले हराउँदै इंग्ल्यान्ड राउण्ड अफ १६ मा प्रवेश गरेको हो ।
खेलको ५०औं मिनेटमा राषफोर्डले गोल गर्दै इंग्ल्यान्डलाई सुरुआती अग्रता दिलाएका थिए ।
५२औं मिनेटमा फोडेनले गोल गर्दै इंग्ल्यान्डलाई २-० को अग्रता दिलाए ।
त्यसपछि खेलको ६८औं मिनेटमा राषफोर्डले व्यक्तिगत दोस्रो गोल गर्दै इंग्ल्यान्डलाई ३-० को जित दिलाए ।
जितसँगै इंग्ल्यान्ड समूह ‘बी’ को विजेता बनेको छ ।
इंग्ल्यान्डले ३ खेलमा ७ अंक जोडेर शीर्ष स्थान हासिल गर्यो भने वेल्स १ अंक जोडेर पुछारमा रहदै प्रतियोगिताबाट बाहिरिएको छ ।
