इन्टर मियामीले डालासलाई हराउदै क्वाटरफाइनलमा प्रवेश गरेका छन् ।
एमएलएसको लिग कपको राउण्ड १६ को खेलमा इन्टर मियामीले पेनाल्टी सुट आउटमा एफसी डालासलाई ५-३ गोल अन्तरले पराजित गर्दै क्वाटरफाइनलमा पुगेको छ ।
इन्टर मियामीलाई क्वाटरफाइनलमा पुर्याउन मेसीले निर्णायक भूमिका खेलेका थिए ।
निर्धारित ९० मिनेटको खेलमा दुवै टिमबाट ४-४ गोल भएपछि खेलको निर्णय पेनाल्टी सुटआउटबाट गरिएको थियो । २-० गोलले पछि परेको इन्टर मियामीले खेलमा उत्कृष्ट पुनरागमन गर्दै बराबरी गरेको थियो ।
यस खेलमा मेसीले खेलको छैटौं र ८५ औं मिनेटमा गोल गरेका थिए । इन्टर मियामीमा मेसीको चौथो खेलमा यो सातौं गोल हो ।
त्यस्तै इन्टरका लागि बेन्जामिन करेमासचीले एक गोल गरेका थिए भने एक गोल डालासका मार्को फारफानले एक गोल आत्मघाती गोल गरेका थिए ।
त्यस्तै एफसी डालासका लागि फाकुन्डो क्विग्नोन, बेर्नार्ड कामुन्गो र एलन भेलासकोले एक एक गोल गरेका थिए भने एक गोल इन्टर मियामीका रोबेर्ट टेलरले आत्मघाती गोल गरेका थिए ।
यो जितसँगै इन्टर मियामीले क्वाटरफाइनलमा हस्टन एफसी र चार्लोट एफसीबीचको विजेतासँग खेल्ने छ ।
