कतार एयरवेज सहिद स्मारक ए डिभिजन लिग फुटबलमा त्रिभुवन आर्मी क्लबले संकटा क्लबबिरुद्ध बराबरी खेेेेलेको छ ।
दशरथ रंगशालामा भएको खेल १-१ को बराबरीमा रोकिएको हो ।
२९ औं मिनेटमा नवयुग श्रेष्ठले गोल गर्दै आर्मीलाई अग्रता दिलाएका थिए ।
पहिलो हाफमा १-० ले पछि परेको संकटाले दोस्रो हाफमा बराबरी गरेको हो । ५२ औं मिनेटमा आर्मीका योद्धा शाहीले रातो कार्ड खादै मैदान छोड्नु परेको थियो । १० खेलाडीमा सिमित आर्मीबिरुद्ध संकटाले खेलको ५५ औं मिनेटमा अमित तामाङले पेनाल्टीमा गोल गर्दै खेल १-१ को बराबरीमा ल्याएका हुन् ।
बराबरीसंगै आर्मीले शीर्ष स्थानमा उक्लने मौका खेर फालेको छ ।
