अल नासरले ओहोदविरुद्ध ५–१ को सहज जित निकालेको छ ।
सोमबार राति भएको किङ्स कप अन्तिम ३२ को खेलमा अल नासरले सहज जित निकालेको हो ।
नासरको जितमा साडिओ माने, सेको फोनाना, एन्डरसन टालिस्का, एमन अहमेद र समी अल नाजेइले समान एक गोल गरेका थिए । ओहोदका लागि कोनराद मिचालकले एक गोल फर्काएका हुन् ।
कमजोर मानिएको प्रतिद्वन्दीविरुद्ध प्रशिक्षक लुइस कास्ट्रोले रोनाल्डोलाई विश्राम दिएका थिए ।
अन्तिम ३२ कै अर्काे खेलमा अल हिलालले अल जाबालाइनविरुद्ध १–० को कठिन जित निकालेको छ । अल हिलालले पनि नेयमारलाई विश्राम दिएको थियो । अल हिलाललेको जितमा रुवेन नेभसले निर्णायक गोल गरेका थिए ।
