अर्जेन्टाइन स्टार साइन गर्ने दौडमा पिएसजी र बार्सिलोना

बार्सिलोना र पिएसजी म्यानचेस्टर सिटीका स्टार स्ट्राइकर सर्जियो अगुएरो साइन गर्ने दौडमा छन्। ३२ बर्षेका अनुभवी अर्जेन्टाइन स्ट्राइकरको सिटी संगको सम्झौता अन्त्य हुने क्रममा छ र सिटी संग उनले अहिले सम्म सम्झौता विस्तार गरेका छैनन्।

सम्झौता अन्त्य भए पछि उनि फ्री एजेन्टको रुपमा अन्य क्लब जान सक्ने छन् र खबर अनुसार उनलाई गर्मीको विन्डोमा साइन गर्न बार्सा र पिएसजी बीच प्रतिस्पर्धा हुने छ।

खबर अनुसार मेस्सीलाई क्लबमा राख्न अर्जेन्टाइन स्टार साइन गर्ने बार्साको योजना हुन सक्ने छ। पेरिस सेन्ट-जर्मेनको नयाँ अर्जेन्टाइन कोच, मौरिसियो पोचेटिनो पनि उनको फ्यान हुन् र उनलाई क्लबमा भित्राउन इच्छुक छन्।

अगुएरोले इतिहादमा चार प्रिमियर लिग, पाँच इएफएल कप र एक एफ ए कप जितेका छन्।