अग्रता जोगाउन नसक्दा किरणको टिम केरेलासंग पराजित

नेपाली राष्ट्रिय फुटबल टिमका गोलकिपर किरण चेम्जोङ आबद्द पन्जाब एफसीले हिरो आईलिग फुटबलमा पहिलो हार व्यहोरेको छ ।

बिहीबार भएको खेलमा पन्जाब गोकुलम केरेलासँग ४-३ गोल अन्तरले पराजित भएको हो ।

किरणले कप्तानी गरेको खेलम सुरुवाती दुई गोलको अग्रता जोगाउन नसक्दा केरेला पराजित भएको हो ।

खेलको १७ औं मिनेटमा चेन्जोले गोल गर्दै पन्जाबलाई अग्रता दिलाएका थिए ।

खेलको २५ औं मिनेटमा चेन्जोले व्यक्तिगत दोस्रो गोल गर्दै पन्जाबलाई २-० को अग्रता दिलाए ।

खेलको २७ औं मिनेटमा केरेलाका फिलिपले गोल गर्दै खेल २-१ को स्थितिमा ल्याए ।

४४ औं मिनेटमा रुपेटले गोल गरेपछि पन्जाबले पहिलो हाफमा ३-१ को अग्रता लिएको थियो ।

तर, दोस्रो हाफमा केरेला खेलमा फर्कियो ।

खेलको ६९ औं मिनेटमा डेनीले गोल गर्दै केरेलालाई ३-२ को स्थितिमा ल्याए ।

७३ औं मिनेटमा डेनीले व्यक्तिगत दोस्रो गोल गर्दा खेल ३-३ गोलको बराबरीमा पुग्यो ।

त्यसपछि खेलको ७५ औं मिनेटमा पन्जाबका अनवर अलीले आत्मघाती गोल गरेपछि केरेला ४-३ ले विजयी भयो ।

यस अघि पहिलो खेलमा पन्जाबले एजवाल एफसीलाई १-० गोल अन्तरले पराजित गरेको थियो ।