इङलिस प्रेमिएर लिग अन्तर्गत सनिबार भएको खेलमा म्यान्चेस्टर युनाइटेडले जित हासिल गरेको छ ।
म्यानचेस्टर युनाइटेडले १० खेलाडीमा सिमित नटिङघम फरेस्टलाई ३-२ ले पराजित गरेको हो ।
म्यानचेस्टर युनाइटेडले खेलको पहिलो चार मिनेट भित्र नै दुई गोल खान पुगेको थियो ।
खेलको दोस्रो मिनेटमा नै फरेस्टका ताइवो अवोनियीले काउन्टर अट्याकमा गोल गरेका थिए ।
फेरि त्यसको दुई मिनेटमा विली बोलीले हेड मार्फत गोल गर्दै फरेस्टलाई २-० को अग्रता दिलाए ।
खेलको १७औं मिनेटमा मार्कस रासफर्डको असिस्टमा क्रिस्टियन एरिक्सनले गोल गर्दै खेलमा फर्काए ।
दोस्रो हाफको सातौं मिनेटमा क्यासेमिरोले फर्नान्डेसको पासमा सहज गोल गर्दै खेललाई बराबरीमा ल्याए ।
६७ औं मिनेटमा फरेस्टका जो वोरल रातो कार्ड खाँदै मैदानबाट बाहिरिएका थिए ।
फर्नान्डेसले पेनाल्टीमा गोल गर्दै म्यान्चेस्टर युनाइटेडलाई जित दिलाएका हुन् ।
जितपछि युनाइटेडको तीन खेलमा दुई जीत र एक हार सँगै ६ अंक पुगेको छ भने फरेस्टको समान खेलमा तीन अंक रहेको छ ।
