ईङ्लिस प्रिमियर लिगमा चेल्सी र आर्सनलले बराबरी खेलेका छन् ।
मंगलबार राति भएको लण्डन डर्बीमा चेल्सी र आर्सनलले २–२ गोलको बराबरी खेल्दै अंक बाँडेका हुन् ।
२६ औ मिनेटमा डेबिड लुईस रातो कार्ड खादै मैदान बाहिरिएपछि आर्सनल १० खेलाडीमा सिमित बनेको थियो ।
खेलको अधिकांश समय १० खेलाडीमा सिमित बनेको आर्सनलले चेल्सीलाई २–२ को बराबरीमा रोक्दै अंक खोस्न सफल रह्यो ।
खेलमा अग्रता २८ औ मिनेटमा जोर्गिन्होको पेनाल्टी गोलबाट चेल्सीले लिएको थियो ।
ग्याब्रियल मार्टिनेलीको गोलमार्फत आर्सनल खेलमा फर्कियो । ब्राजिली युवा स्टारले ६३ औ मिनेटमा गोल गर्दै पाहुना टोलीलाई खेलमा फर्काएका थिए ।
खेल सकिन ८ मिनेट अगाडी चेल्सीका कप्तान सिजर एजिपिलिकुएटाले गोल गर्दै घरेलु टोलीलाई पुन अग्रता दिलाएका थिए । त्यसको तीन मिनेटपछि हेक्टर बेलरिनले डिबक्स बाहिरबाट गोल गर्दै आर्सनललाई एक अंक दिलाउन सफल रहे ।
बराबरीसंग चेल्सी ४० अंक सहित तालिकाको चौथो स्थानमा यथवात छ । आर्सनल ३० अंक सहित दशौं स्थानमा छ ।
