एजेन्सी । प्रिमियर लिग अन्तर्गतको खेलमा सिटिले न्युक्यासल युनाईटेडलाई फराकिलो गोल अन्तरले पराजित गरेको छ । सिटिले न्युक्यासललाई उसैको घरेलु मैदानमा ४-० गोलले जित दर्ता गरेको छ ।
सिटिको यो जारी सिजन लगातार आठौं जित हो ।
सिटिको जितमा रुबिन डियास,क्यान्सेलो, माहरेज र स्टर्लिङले एक एक गोल गरेका थिए ।
खेलको चार मिनेटमा डियासले गोल गर्दै सिटिलाई सुरुआति अग्रता दिलाए ।
क्यान्सेलोले २६ औं मिनेटमा गोल गर्दै अग्रता दोब्बर पारे । उनले न्युक्यासलका दुई खेलाडिलाई बिट गर्दै उत्कृष्ट गोल गरे ।
पहिलो हाफमा दुई गोलले अगाडि रहेको सिटि दोश्रो हाफमा पनि आक्रमक खेललाई निरन्तरता दियो ।
दोश्रो हाफको ६३ औं मिनेटमा जिचेन्कोको क्रसलाई भलि प्रहार गर्दै सिटिका लागि ५० औं लिग गोल गरे ।
स्टर्लिङले ८५ औं मिनेटमा पोस्टको नजिकबाट ट्याप इन गोल गर्दै जित सुनिश्चित पारे ।
यो जितसंगै सिटि तालिकामा शिर्ष स्थानमा पकड मजबुत बनाएको छ ।
उसले १८ खेलमा ४४ अंक जोडेको छ ।
त्यस्तै, न्युक्यासल युनाईटेड तालिकामा १९ औं स्थानमा छ । उसले पनि १८ खेल खेल्दा मात्र १० अंक जोड्न सफल भएको हो ।
