एजेन्सी । प्रिमियर लिग अन्तर्गतको खेलमा लेष्टर सिटिसंग सांघुरो हार व्योहोरेको लिभरपुलका लागि बिर्सिनलायक रह्यो ।
एक समय खेलमा अग्रता लिने अवसर पाएको लिभरपुलले त्यस अवसरलाई सदुपयोग गर्न नसक्दा हार स्विकार्न बाध्य भयो ।
खेलको १५ औं मिनेटमा प्राप्त पेनाल्टीलाई सालाहले गोलमा परिणत गर्न सकेनन् ।
उनको पेनाल्टी क्यास्पर स्माइकलले बचाउ गरे । उनले यस अघि लिगका पछिल्ला १५ वटा पेनाल्टी गोलमा परिणत गर्न सफल रहेका थिए ।
त्यसो त, सालाह लिभरपुलमा अनुबन्धित भए यता लिगमा यो पहिलो पेनाल्टि मिस हो ।
