सम्झौता लम्ब्याउन स्वारेज इच्छुक

एजेन्सी, स्पेनिश क्लब अट्लेटिको मड्रिडका स्टार खेलाडी लुइस स्वारेज आफ्नो क्लबसँगको सम्झौता लम्ब्याउन इच्छुक देखिएका छन्। रिपोर्टका अनुसार ३४ वर्षका युरुग्वेयन स्ट्राइकर सुवारेज आफ्नो क्लबसँगको सम्झौता लम्ब्याइ अट्लेटिको मड्रिडकै जर्सीमा खेल्न इच्छुक छन्। 

स्वारेज २०२० मा अर्को स्पेनिश क्लब बार्सिलोनाबाट अट्लेटिको मड्रिडमा अनुबन्ध भएका थिए।

स्वारेज अर्को वर्ष सम्मका लागि मात्र अट्लेटिको मड्रिडमा अनुबन्ध छन्। उनले अट्लेटिको मड्रिडका लागि ४९ खेलमा २६ गोल गरि सकेका छन्।