एजेन्सी, टि२० विश्व कप अन्तर्गत पहिलो चरणको दोश्रो खेलमा श्रीलंकाले आयरल्यान्डलाई हराउदै सुपर १२ मा प्रवेश गरेको छ । आयरल्यान्डलाई आबुधाबिमा ७० रनले पराजित गर्दै सुपर १२ मा स्थान पक्का गरेको हो ।
वानिन्दु हसारङाले श्रीलंकाका लागि सर्वाधिक रन बनाए । उसले ४७ बलमा ७१ रन जोड्दै १७१-७ को स्कोर बनाउन सघाए ।
यस्तै, बलिङमा ४ ओभरमा १२ रन खर्चिदै एउटा विकेट लिए । आयरल्यान्ड १८.३ ओभर खेल्दै १०१ रनमा अल आउट हुनपुग्यो ।
अन्तिम खेलमा नामिबियाले शुक्रबार आयरल्यान्डसंग खेल्नेछ । त्यस खेल बिचको विजेताले अर्को चरणमा प्रवेश पाउने छ ।
श्रीलंकाले पुछारमा रहेको नेदरल्यान्डसलाई पराजित गरेको अवस्थामा समुह ए को शिर्ष स्थान रहदै अर्को चरण जाने छ ।
