इङलिस प्रेमिएर लिग अन्तर्गत आइतबार भएको खेलमा लेस्टर सिटीले जित हात पारेको छ ।
न्युकास्टल युनाइटेडविरुद्ध भएको खेलमा लेस्टरले ४ गोल गर्दै फराकिलो जित निकालेको हो ।
खेलमा टेइलेमानले ३९ औं मिनेटमा पहिलो गोल गर्दै लेस्टरलाई अग्रता दिलाए ।
५७ औं मिनेटमा डाकाले गोल गर्दै अग्रता दोब्बर बनाउन सफल भयो ।
८१ औं मिनेटमा फेरि टेइलेमानले गोल गर्दै ३-० को अग्रता बनाए ।
८५ औं मिनेटमा डाकाको पासमा म्याडिसले गोल गर्दै लेस्टरलाई ४-० को फराकिलो जित दिलाउन सफल भयो ।
जितसंगै लेस्टर सिटी ८ औं स्थानमा उक्लिएको छ भने न्युकास्टल युनाइटेड १९ औं स्थानमा रहेको छ ।
