स्पेनिस लिग ला लिगा अन्तर्गत बार्सिलोनाले सान्दार जित हासिल गरेको छ ।
बिहीबार राति भएको खेलमा बार्सिलोनाले भिल्लारियललाई ३-० ले हराएको हो ।
बार्सिलोनाको जितमा रोबर्ट लेवान्डोस्कीले दुई गोल गरे । अन्सु फातीको नाममा एक गोल रह्यो ।
खेलको ३१औं मिनेटमा लेवान्डोस्कीले गोल गर्दै बार्सिलोनालाई सुरुआती अग्रता दिलाएका थिए ।
३५औं मिनेटमा लेवान्डोस्कीले व्यक्तिगत दोस्रो गोल गरे।
त्यसपछि खेलको ३८औं मिनेटमा फातीले गोल गर्दै बार्सिलोनालाई ३-० को जित दिलाए ।
जितसँगै बार्सिलोनाले १० खेलमा २५ अंक जोडेको छ ।
बार्सिलोना दोस्रो स्थानमा रहेको छ भने भिल्लारियल १५ अंक जोडेर नवौं स्थानमा रहेको छ ।
