एजेन्सी । इंग्लिस प्रिमियर लिग फुटबलमा लिभरपुल र टोटेनहमले बराबरी खेल्दै अंक बाडेका छन् । आइतबार राति भएको रोमान्चक खेलमा लिभरपुल र टोटेनहमले २-२ गोलको बराबरी खेलेको हो ।
टोटेनहमको घरेलु मैदानमा सुरुआती समेत घरेलु टोलीले बनाएको थियो ।
खेलको १३ औं मिनेटमा ह्यारी केनले गोल गर्दै टोटेनहमलाई १-० को अग्रता दिलाएका थिए ।
तर, ३५ औं मिनेटमा डिएगो जोटाले गोल गर्दै लिभरपुललाई १-१ गोलको बराबरीमा ल्याए ।
खेलको ६९ औं मिनेटमा एन्ड्रयु रोबर्टसनले गोल गर्दै लिभरपुललाई २-१ को अग्रता दिलाए ।
तर, खेलको ७४ औं मिनेटमा सन ह्युङ मिनले गोल गर्दै टोटेनहमलाई २-२ गोलको बराबरीमा ल्याए ।
यस्तै खेलको ७७ औं मिनेटमा रोबर्टसनले रातो कार्ड पाएपछि लिभरपुल १० खेलाडीमा समेटिएको थियो ।
त्यसपछि दुबै टोलीले थप गोल गर्न सकेनन् र खेल बराबरीमा सकियो ।
यस बराबरीसँगै लिभरपुलले १८ खेलमा ४१ अंक जोडेको छ ।
लिभरपुल दोस्रो स्थानमा रहेको छ ।
टोटेनहम २६ अंक जोडेर सातौं स्थानमा रहेको छ ।
