एजेन्सी । इटालियन सेरि ए अन्तर्गतको खेलमा रोमाले जित हासिल गरेको छ । सोमबार भएको खेलमा स्पेजियालाई २-० गोलले हराएको छ ।
रोमाले तिन खेल जितविहिन रहेको अवस्थामा यो खेल जित्नै पर्ने दबाब थियो ।
क्रिस स्मलिङ र इबिनाजले गोल गर्दै जित दिलाएका थिए ।
खेलको १० औं मिनेटमा कर्नरबाट आएको बललाई ट्यामि अब्राहमले हेड गर्दै पास मिलाइ दिए । उक्त पासमा स्मलिङले गोल गरे ।
त्यस्तै, दोश्रो हाफको ५६ औं मिनेटमा रोजर इबिनाजले दोश्रो गोल गर्दै जित सुनिश्चित पारे ।
त्यसपछि, वैकल्पिक खेलाडिका रुपमा मैदान प्रवेश गरेका अफिना ज्ञ्यानले खेलको अन्तिम मिनेटमा दोश्रो पहिलो कार्ड व्योहोर्दै मैदानबाट बाहिरिए ।
यो जितसंगै रोमा छैठौं स्थानमा उक्लिएको छ ।
रोमाले १७ खेलमा २८ अंक जोडेर छैठौं स्थानमा रहेको छ ।
उसले शनिबार तेश्रो स्थानको एट्लान्टासंग भिड्दै छ ।
