एजेन्सी, इङलिस प्रेमियर लिगमा म्यान्चेस्टर युनाइटेडले टोटनह्याम माथी शान्दार जित निकाल्न सफल भएका छन्। नेपाली समय अनुसार अक्टोबर ३० शनिबार राती १०:१५ मा शुरु भएको उक्त खेलमा म्यान्चेस्टर युनाइटेडले टोटनह्याम माथी ३-० को जित निकाल्न सफल भएका छन्।
खेलको ३९ औ मिनेटमा ब्रुनो फर्न्यान्डेजको पासमा रोनाल्डोले उत्कृष्ट गोल गरेका थिए। पहिलो हाफमा थप कुनै गोल हुन नसक्दा पहिलो हाफ १-० मा टुंगिएको थियो।
दोश्रो हाफको ६४ औ मिनेटमा रोनाल्डोको पासमा एडिन्सन कभानीले गोल गरि युनाइटेडको अग्रतालाई दोब्बर बनाएका थिए।
दोश्रो हाफकै ८६ औ मिनेटमा नेमान्या म्याटिचको पासमा मार्कस रासफर्डले गोल गरि खेल ३-० मा पुर्याएका थिए। थप कुनै गोल हुन नसक्दा खेल ३-० मा टुंगिएको थियो।
