एजेन्सी । इटालियन सिरी `ए´ अन्तर्गतको खेलमा मंगलबार युभेन्टसले शान्दार जित हासिल गरेको छ । घरेलु मैदानमा युभेन्टसले क्याग्लियेरीलाई २-० गोलले हरायो ।
युभेन्टसको जितमा मोइसे किन र फेडेरिको बेर्नाडेस्किले एक एक गोल गरे ।
किनले खेलको ३९ औं मिनेटमा हेड मार्फत गोल गर्दै सुरुआति अग्रता दिलाए ।
त्यस्तै, खेलको ८२ औं मिनेटमा कुलुसेभ्स्कीको पासमा बेर्नाडेस्किले गोल गरे । उनले ४३ खेल पछि पहिलो पटक गोल गरेका हुन ।
यो जितसंगै युभेन्टस पाचौं स्थानमा उक्लिएको छ । उसले ३४ अंक जोडेको छ ।
क्याग्लियेरी भने पछिल्ला ११ खेल हारेका छन ।
उसले १९ खेलबाट १० अंल जोडेर १९ औं स्थानमा छ ।
