इंग्लिस प्रिमियर लिगमा म्यानचेस्टर युनाइटेड बराबरीमा रोकिएको छ । युनाइटेडले घरेलु टोली न्यूक्यासल युनाइटेडसाग १–१ गोलको बराबरी खेलेको हो ।
सेन्ट जेम्स पार्कमा सोमबार राति भएको खेलमा घरेलु टोलीका लागि एलान सेन्ट म्याक्सिमिनले गोल गर्दा युनाइटेडका इडिन्सन काभानीले बराबरी गोल फर्काएका थिए ।
खेलको सातौ मिनेटमा नै एलान सेन्ट म्याक्सिमिनले गोल गर्दै घरेलु टोलीलाई सुरुवाती अग्रता दिलाए । तर, त्यो अग्रतालाई घरेलु टोलीले जोगाउन सकेन ।
बराबरीसँगै युनाइटेडले पाँचौ स्थानमा उक्लने मौका गुमाउँदा १७ खेलबाट २८ अंक जोडेर सातौ स्थानमा रहेको छ । न्यू क्यासल ११ अंक जोडेर रेलिगेसन जोनको १९औं स्थानमा छ ।
