इङलिस प्रेमिएर लिग अन्तर्गत आइतबार भएको खेलमा म्यान्चेस्टर युनाइटेडले रेलिगेसन जोनमा रहेको वाट्फोर्डमाथी सहज जित निकालेको छ ।
म्यान्चेस्टर युनाइटेडको घरेलु मैदान ओल्ड ट्राफोर्डमा भएको खेलमा युनाइटेडले ३-० ले जित्न सफल भयो ।
खेलमा युनाइटेडका मिड्फिल्डर ब्रुनो फर्नान्डेसले ४२ औं मिनेटमा पेनाल्टी मार्फत गोल गर्दै अग्रता दिलाए ।
५८ औं मिनेटमा एन्टोनि मार्सियालले उत्कृष्ट चिप गोल गर्दै युनाइटेडलाई २-० को अग्रता दिलाए ।
७५ औं मिनेटमा युवा फर्वाड मेसन ग्रीनवुडले फर्नान्डेसको पासमा गोल गर्दै म्यान्चेस्टर युनाइटेडले ३-० को जित हासिल गर्न सफल भयो ।
जितसंगै म्यान्चेस्टर युनाइटेड लिग तालिकाको पाचौं स्थानमा उक्लेको छ भने वाट्फोर्ड १९ औं स्थानमा रहेको छ ।
