म्यानचेस्टर सिटी समूह विजेता बन्दै च्याम्पियन्स लिग फुटबलको नकआउट चरणमा प्रवेश गरेको छ ।
बुधबार राति फ्रेन्च क्लब पेरिस सेन्ट जर्मेन (पीएसजी) लाई २-१ गोल अन्तरले पराजित गर्दै सिटी समूह विजेताको रुपमा अन्तिम १६ मा पुगेको हो ।
घरेलु मैदानमा सिटीलाई जित दिलाउन रहिम स्ट्रर्लिङ र ग्राबियल जिससले एक एक गोल गरे ।
पीएसजीका केलियन एमबाप्पेले एक गोल फर्काए ।
खेलको ५० औं मिनेटमा एमबाप्पेले गोल गर्दै पीएसजीलाई सुरुआती अग्रता दिलाएका थिए ।
तर, खेलको ६३ औं मिनेटमा स्ट्रर्लिङले गोल गर्दै सिटीलाई १-१ गोलको बराबरीमा ल्याए ।
त्यसपछि खेलको ७६ औं मिनेटमा जिससले गोल गर्दै सिटीलाई २-१ को जित दिलाए ।
यस जितसँगै सिटीले समूह ‘ए’ मा ५ खेलमा १२ अंक जोडेको छ ।
सिटी शीर्ष स्थानमा रहेको छ । पीएसजी ८ अंक जोडेर दोस्रो स्थानमा रहेको छ ।
नकआउट चरणमा पुग्न पीएसजीलाई अन्तिम खेल कुर्नु पर्ने भएको छ ।
