मेस्सीले उत्कृष्ट प्रदर्शन गर्दा इन्टर मायमी एटलान्टा युनाइटेडलाई पराजित गर्दै लिग्स कप २०२३ को नकआउट चरणमा प्रवेश गरेको छ ।
मंगलबार सम्पन्न खेलमा मायमीले ४-० को जित निकाल्दै साउथ समूह ३ को विजेता बनेको हो ।
जितसँगै मायमी समूह विजेताको रुपमा लिग्स कपको राउन्ड अफ ३२ मा प्रवेश गरेको छ । मायमीको २ खेलमा ६ अंक छ ।
खेलको ८ औं मिनेटमा मेस्सीले गोलको खाता खोले ।
२२औं मिनेटमा मेस्सीले अग्रता दोब्बर पारे ।
त्यस्तै, ४४औं मिनेटमा टेलरले मायमीलाई ३-० को अग्रता दिलाए ।
५४औं मिनेटमा मेस्सीको पासमा टेलरले व्यक्तिगत दोस्रो गोल गर्दै मायमीलाई ४-० को जित दिलाउन सफल भयो ।
