मनाङको फ्रेन्ड्समाथी सहज जित, शीर्ष स्थानमा उक्लन सफल

सहिद स्मारक कतार एयरवेज ए डिभिजन लिग अन्तर्गत शुक्रबार भएको फ्रेन्ड्स क्लब र मनाङ मस्याङ्दी क्लब बिचको खेलमा मनाङले जित हात पारेको छ ।

त्रिपुरेश्वरस्थित दशरथ रंगशालामा भएको खेलको ४१ औं मिनेटमा आफिज ओलावालेले गोल गर्दै मनाङलाई अग्रता दिलाएका हुन् ।

७२ औं मिनेटमा मनाङका डिफेन्डर दिनेश राजबन्शीले गोल गर्दै २-० को जित दिलाएका हुन् ।

जितसंगै मनाङ लिगको शीर्ष स्थानमा उक्लिएको छ ।