कतार एयरवेज सहिद स्मारक ए डिभिजन लिगमा शीर्ष दुई टोलिले बराबरी खेलेको छ ।
दशरथ रंगशालामा जारी खेलेकाे दाेस्राे मिनेटमा नै मनाङले अग्रता बनाएको थियो ।
मनाङका लागि प्रतिबन्ध पछि खेलमा फर्किएका अञ्जन विष्टको पासमा फेमीले गोल गर्न सफल भए । उनले खेलको पहिलो मिनेटमा गोल गरेका हुन ।
पहिलो हाफमा एक गोलले पछि मच्छिन्द्रले दोस्रो हाफको सुरुवातमा नै खेल बराबरी गर्न सफल भयो । उसका लागि सोमिडेको पासमा सुजल श्रेष्ठले गोल गरे ।
खेल एक एक गोलको अवस्थामा रहेका बेला ८१ औं मछिन्द्रले फेरी खेलमा अग्रता बनायो । उसका लागि विदेशी खेलाडी एडीजेलाले गोल गर्न सफल भए ।
खेलको ८८ औं मिनेटमा विमल रानाले मनाङका लागि गोल गर्दै खेल २-२ को बराबरीमा ल्याएको हो ।
बराबरीसंगै मनाङ शीर्ष र मछिन्द्र दोस्रो स्थानमा यथावत रहेका छन् ।
