इङलिस प्रेमिएर लिगमा आइतबार राती भएको खेलमा लिभरपुलले म्यान्चेस्टर युनाइटेडबिरुद्ध जित हात पारेको छ ।
लिभरपुलको घरेलु मैदान एन्फिल्डमा भएको खेलमा १४ औं मिनेटमा भर्जिल भ्यान डाइकले हेडर मार्फत गोल गर्दै १-० को अग्रता दिलाएका हुन् ।
खेलको पहिलो हाफमा लिभरपुलले धेरै मौका गुमाएको थियो भने दोस्रो हाफमा म्यान्चेस्टर युनाइटेडले खेल सुधार्दै केही मौकाहरु सिर्जना गरेका थिए ।
खेलको अन्तिम मिनेटमा मोहमद सालाहले गोल गर्दै लिभरपुललाई २-० को जित दिलाउन सफल भयो ।
जितसंगै लिभरपुल अपराजित रहदै शीर्ष स्थानमा १६ अंकको अग्रता बनाएको छ भने म्यान्चेस्टर युनाइटेड पाचौं स्थानमा यथावत रहेको छ ।
