ला लिगा क्लब बार्सिलोना हाल नयाँ स्ट्राइकरको खोजीमा रहेको छ। मुटुको समस्याको कारण फुटबल छोड्न लागेका सर्जियो अग्वेरोको विकल्पको रुपमा नयाँ स्ट्राइकर साइन गर्ने योजना बार्साको रहेको छ र हाल खबर अनुसार एफसी बासेलका ब्राजिलियन स्ट्राइकर आर्थर काब्राल माथि बार्साको नजर छ।
Barcelona are considering a move for Basel striker Arthur Cabral 🔵🔴
The Brazilian has 23 goals from 24 matches in all competitions this season 👀 pic.twitter.com/vAekQizCgM
— GOAL (@goal) November 25, 2021
ब्राजिलियन स्ट्राइकर क्लबको नयाँ नम्बर ९ बन्ने मुख्य दाबेदारको रुपमा रहेको रिपोर्ट छ भने उनलाई साइन गर्न बार्साले पूर्ण प्रयास गर्ने जानकारी छ।
काब्राल २०१९मा ब्राजिलियन क्लब पाल्मिरासबाट स्विस पक्षमा सामेल भएका थिए र सबै प्रतियोगिताहरूमा यो सिजनमा अहिलेसम्म २३ गोल र ८ असिस्टको साथ काब्राल उत्कृष्ट फममा रहेका छन्। काब्राललाई साइन गर्न बार्सालाई क्लब लेजेन्द र हेड स्काउट डेकोको आग्रह रहेको खबर छ।
२३ वर्षका ब्राजिलियन स्ट्राइकर सँग बार्साको सम्पर्क रहेको जानकारी छ र उनी पनि बार्सामा खेल्न इच्छुक रहेको खबर छ तर हाल बार्साको आर्थिक अवस्था नराम्रो रहेको कारण उनलाई साइन गर्न बार्साले आफ्नो केही खेलाडी बेच्नु पर्ने बाध्यता रहेको छ।
⚠️🔵🔴 Cuenta @joaquimpiera en @sport que Arthur Cabral, el ‘9 ‘del Basilea, es el elegido para reforzar la delantera blaugrana en invierno. Ya han arrancado las negociaciones. Lo recomienda Deco. Operación entre 15-20M #fcblive pic.twitter.com/DFZAZx1azX
— Albert Rogé (@albert_roge) November 24, 2021
ब्राजिलियन स्ट्राइकर बासेलको लागि एक महत्त्वपूर्ण खेलाडीको रुपमा स्थापित भएका छन् र उनको लागि बासेलले €१५-२० मिलियन सम्मको माग गर्ने जानकारी छ ।
