बुन्डेसलिगामा बायर्न म्युनिखले जित हात पारेको छ ।
शनिबार राति भएको खेलमा बायर्नले मैन्जलाई २-१ गोल अन्तरले हराएको हो ।
घरेलु मैदानमा बायर्नले एक गोलको अग्रता उल्टाएर जित निकालेको हो ।
खेलको २२ औं मिनेटमा करिम ओनिसिवोले गोल गर्दै मैन्जलाई अग्रता दिलाएका थिए ।
तर, खेलको ५३ औं मिनेटमा किंग्सले कोम्यानले गोल गर्दै बायर्नलाई १-१ गोलको बराबरीमा फर्काए ।
त्यसपछि खेलको ७४ औं मिनेटमा जमल मुसिआलाले गोल गर्दै बायर्नलाई २-१ को जित दिलाए ।
जितसँगै बायर्नले १५ खेलमा ३७ अंक जोडेको छ । बायर्न शीर्ष स्थानमा यथावत रहेको छ ।
मैन्जले १५ खेलमा २१ अंक जोडेर आठौं स्थानमा रहेको छ ।
