एजेन्सी, प्रेमियर लिग अन्तर्गतको खेलमा क्रिस्टल प्यालेस माथी म्यान्चेस्टर युनाइटेडले जित हात पार्न सफल भएका छन्। नेपाली समय अनुसार डिसेम्बर ५ आइतबार राती ७:४५ मा शुरु भएको उक्त खेल युनाइटेड १-० को अन्तरले जितेका छन्।
खेलमा म्यान्चेस्टर युनाइटेडले राम्रो प्रदर्शन गरि गोल गर्ने केही मौका पाएता पनि क्रिस्टल प्यालेसको राम्रो डिफेन्सिभ प्रदर्शनका कारण गोल भने गर्न सकेका थिएनन्।
खेलको ७७ औ मिनेटमा भने मेसन ग्रिनवुडको पासमा फ्रेडले उत्कृष्ट गोल गरि उक्त खेल १-० मा ल्याए। त्यसपछि थप कुनै गोल हुन नसक्दा खेल १-० मा टुंगिएको हो।
