ला लिगा क्लब एट्लेटिको म्याड्रिडका पोर्चुगिज स्टार जाओ फेलिक्सले क्लब छोड्न सक्ने चर्चा रहेको बेला उनलाई साइन गर्न प्रिमियर लिग क्लब म्यानचेस्टर युनाइटेड इच्छुक हुन सक्ने जानकारी छ।
Amid a potential overhaul at @atletienglish following their failure to make it out of the @ChampionsLeague group stage, could Joao Felix be available for @ManUtd to swoop on?https://t.co/xiZDprMSWs
— ESPN Asia (@ESPNAsia) November 4, 2022
एट्लेटिकोले रेकर्ड मूल्यमा फेलिक्सलाई २०१९मा बेन्फिकाबाट £११३ मिलियनमा साइन गरेको थियो तर हाल उनले एट्लेटिकोमा धेरै खेल समय पाएका छैनन् जसको कारण २२ वर्षीय स्टार क्लबमा खुसी छैनन् भने उनी क्लब छोड्ने तयारीमा हुन सक्ने जानकारी छ।
युनाइटेडका सुपरस्टार रोनाल्डोको भविष्य क्लबमा अनिश्चित रहेको बेला उनको विकल्पको रूपमा नयाँ फोवार्ड साइन गर्न युनाइटेडका कोच टेन ह्याग इच्छुक रहेका छन् र जाओ फेलिक्सलाई साइन गर्न युनाइटेड इच्छुक हुन सक्ने रिपोर्ट छ।
“Joao Felix has to be our next target get it done.”#MUFC https://t.co/gJz0DITQE6
— Man United News (@ManUtdMEN) November 2, 2022
फेलिक्स क्लब छोड्न इच्छुक रहेको बेला उनको इच्छा विपरीत उनलाई क्लबमा राख्ने एट्लेटिको म्याड्रिडको प्रयास नहुने र उनलाई बेच्न एट्लेटिको तयार हुन सक्ने जानकारी छ।
फेलिक्सले स्पेनिस क्लबका लागि १२७ खेलमा ३१ गोल र १८ असिस्ट गरेका छन्। युनाइटेड सहित लिभरपुल र पिएसजीको नाम पनि फेलिक्स सँग जोडिने क्रम रहेको छ।
