एजेन्सी, म्यान्चेस्टर युनाईटेड तथा फ्रान्सका मिल्डफिल्डर पल पोग्बाले विश्व कप छनोटका खेलहरु नखेल्ने भएको छ । प्रशिक्षण दौरान तिघ्रामा चोट बोके पछि उनले छनोट खेलहरु गुमाउने फ्रान्स फुटबल संघले जनाएको छ ।
चोट बोकेसंगै उनले काजाकस्तान र फिनल्यान्डको खेल गुमाउने भएको हो ।
लिभरपुलविरुद्ध ५-० गोल अन्तरले पराजित हुदा उनले रातो कार्ड पाएका थिए ।
उनले त्यस यता कुनै खेल खेलेका छैनन् ।
फ्रान्सले दुई खेल मध्य एक खेल जितेको खण्डमा विश्व कपको लागी छनोट हुनेछ ।
पोग्बाको स्थानमा प्रशिक्षक डिडियर डेस्च्याम्पले रोमाका भेरेटुलाई टोलिमा समावेश गरेको छ ।
