पीएसजीले लिगमा सहज जित निकालेको छ ।
आइतबार राति भएको खेलमा पीएसजीले लिलेलाई २–० गोलले हराएको हो ।
लिलेको मैदानमा भएको उक्त खेलमा पीएसजीलाई जिताउन नेयमारले दुवै गोल गरे ।
खेलको २८औं मिनेटमा गोल गर्दै नेयमारले पीएसजीलाई पहिलो हाफभरि १–० गोलको अग्रता दिलाएका थिए ।
यस्तै खेलको ५२औं मिनेटमा पीएसजीले पेनाल्टीको अवसर प्राप्त गरेको थियो । जसमा, उनले गोल गर्दै पीएसजीको अग्रता दोब्बर बनाए ।
खेलमा अरु कुनै गोल नहुँदा पीएसजीले २–० गोलको जित निकालेको हो ।
यस जितसँगै पीएसजीले दोस्रो स्थानको मार्सेइलीभन्दा १० अंकको अग्रता बनाएको छ । २१ खेल खेलेको पीएसजीसँग ५२ अंक हुँदा मार्सेइलीसँग ४२ अंक ।
